Tuesday, September 4, 2007

وعملتهااااااااااااااا



كانت تلك الصيحه الصادرة يوم الاثنين الموافق 3/9/2007 بمثابة الشاره لانطلاق أول صفحه على النت تحمل اسم حضرة صاحبة المدونه....واللى هى أنا
خير اللهم اجعله خير
هو ايه الحكايه............؟؟
الحكايه ومافيها بدأت من حوالى 5 شهور عندما خطرت على بال زملائى وزميلاتى فى دفعة كلية الاعلام العزيزه
عمل مدونه
فكتير قالوا ليه لأ ...وبالفعل شرع العديد فى عمل مدونه (حلوه شرع دى... لحد مبقت هى الموضه
السايده فى الوقت ده
وأنا مخبيش عليكوا_من باب حب الاستطلاع_عملت مدونه أنا كمان بس ما أعلنتش عنها
مش عارفه ليه.. بس يمكن مثلا علشان أنا أصلا معرفش فى المدونات وكنت عايزه اتابع الموضوع عن قرب
أو ممكن علشان أنا مش من النوع اللى بيمشى ورا الموضه وخلاص
أو بسبب حاجه تانيه خالص أساسا
المهم فى الاخر إنى ماأعلنتش عنها ولاكتبت فيها
ولكن بعد فتره
لقيت إن الموضوع شغال والحياه حلوه ولذيذه فاختمرت الفكره فى دماغى وبالفعل عملتهااااااااااااااا
وادينى أهو بكتب فيها أول بوست ليا
بس كان في سؤال يطرح نفسيته....اسميها اييييه...؟؟؟
وبعد التفكير والتمحيص والتدوير....وقع اختيارى على اسم (معنى) لعلها _إن شاء الله_ تضيف أو تغير أو توضح أو على الأقل تناقش.......معنى
,,,,,,,,,,,,,,,,,,,,,
وهى دى كانت قصة المدونه من طأطأ لسلامو عليكو
اتمنى مكونش طولت عليكوا
ودمتم بخير
H$

15 comments:

heart of ocean said...

مبروك يا هوبه على البلوج

ربنا يكرمك و توصلى او تغيرى معنى

و يجعلها فى ميزان حسناتك

Anonymous said...

ماشاء الله المدونه تصميمها جميل جدا
والتدوينه لذيذه أوى

تصدقى ممكن أنا كمان أعمل مدونه ونبقى زمايل فى التدوين

طيب
استنونى قريباااا جداااا مع أول مدونه ليه

يلا سلام عليكم
محمد ابراهيم

Anonymous said...

مبرووووووك ياقمره

ويلله مستنيين التدوينات الجامده

مش تتأخرى علينا

سلام مؤقت

Anonymous said...

على فكره أنا اللى كتبت التعليق
اللى فات

سما ممدوح

Unknown said...

مبروك علي المدونة ويارب تمليها بوستات حلوة زيك
مدونة عسولة وان شاء الله تبقي صديقة لينا
ويارب دايما ندخل نقول كومنتات لبعض ونتابع اخبار بعض
وشكرا علي كومنتك عندي
وزيارتك ليا يارب تتكرر
يلا رغاية قوي انا سلام
مني

محمد رفعت said...

مبارك يا هبة
وفي انتظار الكثير
ومتوقعين منك كما هي عادتك كل ما هو مميز وجميل

ربنا يكرمك

NeRmeeN said...

بصى بقى مش هعمل زى التانيين وهقولك مبروك للمدونة الجديدة

انا هقولك
مليوووووون مبروك للمدونة ..وان شاء الله مستنيين ابداعاتك ..وانتى شكلك كده دماغ و هتاكلينا كلنا ان شاء الله فى عالم التدوين :ي

على فكرة انا كان حلم من احلام حياتى انى ادخل اعلام ...بس يلا النصيب بقى الحمد لله :ي
الامل فيكىىىىى

تقبلى مرورى و تحياتى

HeB@_$@Kr said...
This comment has been removed by the author.
HeB@_$@Kr said...

السلام عليكم ورحمة الله وبركاته

أولا
اعتذر عن تغيبى فى الرد على تعليقاتكم الكريمه ولكنها كانت ظروف صحيه بحته لاأعادها الله

ونبدأ بقى بالرد على زوارى الكرام

جوجو

أول تعليق فى أول تدوينه على أول مدونه

ربنا يبارك فيكى ياقمر
وألف شكر بجد على مرورك اللى نور المدونه المتواضعه

,,,,,,,,,,,,,


محمد ابراهيم

ربنا يعزك ويبارك فبك

وعلى فكره
فكرة المدونات دى ممتازه جدا
اعملها انت بس وهتلاقينا ان شاء الله من أوائل المعلقين

جزيت خيرا جدا

,,,,,,,,,,,,,,,

سما

رفيقة ما كان وسيكون

الله يبارك فيك ياباشا

ومن جيهة التأخير

انتى عارفانى

مواعيدى.....

:)

لأبجد

ان شاء الله قريبا فى مدونه جديده

سلاميش

,,,,,,,,,,,,,,,,

منى

نورتى المدونه كتيييييير

وبجد بجد

مدونتك من المدونات اللى بعتز بالتعليق والمشاركه فيها

واتشرف كتير لو اسعدتينى بالمرور دوما فى مدونتى

وبعدين ايه يا عم رغايه دى

ارغى براحتك
الدقيقه ب50 تعليق

:)

بجد نورتى كتيييير

واتمناها تتكرر علطول
ان شاء الله

,,,,,,,,,,,,,

محمد رفعت

جزيت خيرا على المباركه والمرور الكريم

والجديد إن شاء الله قريبا جدا

,,,,,,,,,,,,,

نرمين

الله يبارك فيكى ياقمر

نورتينى بزيارتك وتعليقك الجميل

وبعدين ايه ياعم

اكلكوا ايه بس

هو انا برج الاسد اه

بس لسه مش وصلت لأكل المدونين

D)

وربنا يوفقك فى المكان اللى اختاره ربنا ليكى

اكييد هو الاحسن

يلا بقى مش تنسينا من تعليقاتك


وجزاكى ربى خيرا كثيراااااا



شكرا يا جماعه على تعليقاتكم اللى نورتنى

وجزاكم الله كل خير

بنوتة said...

الله على المدونة جميلة جدا جدا

تحياتي

بنوتة said...

و مبروك على المدونة

مبروك على انك دخلتي عالم التدوين

و كمان ال browse profile

خلي بالك بقى من المدونة و التعليقات و كده

بنوتة said...

هذة نصيحة فقط من الي دخلوا عالم التدوين

HeB@_$@Kr said...

بنوته



الله يبارك فيكى ويكرمك على النصيحه الجميله

بس فى حاجه مش فهمتمها

هو فين ال
browse profile
ده

معلش اصلى لسه مستجده فى التدوين

:)

جزاكى الله كل خير

الطلحاوى said...

مبروك يا هبة ويارب تكون هذة المدونة فى خدمة الامة الاسلاىمية ان شاء الله وتعتبر ممارسة وتدريب لمهنتك كصحفية ان شاء الله
سلام عليكم

HeB@_$@Kr said...

هشام

الله يبارك فيك

وشكرا جدا على مرورك الكريم

وان شاء الله ربنا يشفى مامتك ويقومها بكل سلامه هى وكل مرضى المسلمين

امييييين يارب العالمين